Hadisə zamanı hərəkət etdiyim dairəvi yolayrıcında və mənim dairəyə daxil olduğum istiqamətdə “Yol verin”, “Baş yol” və ya digər üstünlük müəyyən edən yol nişanı mövcud olmayıb. Həmçinin hadisə ilə bağlı mənə hər hansı foto və ya video görüntü təqdim edilməyib.
Mən dairəvi yolayrıcına daxil olmağa başladığım zaman digər nəqliyyat vasitəsi dairənin qarşı tərəfində, mənim sol tərəfimdə hərəkət edirdi. Həmin nəqliyyat vasitəsinin dairədən çıxıb-çıxmayacağı və ya dairədə hərəkətini davam etdirərək mənim hərəkət trayektoriyamı kəsib-kəsməyəcəyi həmin anda müəyyən deyildi. Digər nəqliyyat vasitəsi tərəfindən də dönmə istiqamətini bildirən işıq siqnalı verilməmişdir.
Mən digər nəqliyyat vasitəsini gördükdə təhlükəsizliyi təmin etmək məqsədilə dərhal dayanmışam. Digər nəqliyyat vasitəsi də dayanmış və sürücüsü mənə hərəkət etməyim üçün şərait yaratmışdır. Bundan sonra mən hərəkətimi davam etdirərək yolayrıcından keçmişəm.
Beləliklə, mənim tərəfimdən digər nəqliyyat vasitəsinə təhlükə yaradılması və ya onun hərəkət üstünlüyünün pozulması baş verməmişdir. Mən əksinə, təhlükəsizliyi təmin etmək məqsədilə dayanmışam.
Qərarda isə mənim konkret olaraq hansı hərəkətlə və hansı üstünlük qaydasını pozduğum ətraflı əsaslandırılmayıb və hadisəni obyektiv təsdiq edən foto/video görüntü mənə təqdim edilməyib.
Bu şikayət sənə necə təsir etdi? (Bir reaksiya seçə bilərsiz, təkrar klikləyib geri ala bilərsiz)
📝 Müəllifin şəxsi rəyi — saytın mövqeyini ifadə etmir