gec bildirilmiş cərimə

İnzibati Xətalar Məcəlləsinin 105-ci maddəsinə əsasən, inzibati xəta haqqında qərar qəbul edildiyi gündən 3 gün müddətində inzibati məsuliyyətə cəlb olunan şəxsə və ya onun qanuni nümayəndəsinə göndərilməlidir. Xüsusi texniki vasitələrlə qeydə alınmış inzibati xəta haqqında qərar isə nəqliyyat vasitəsinin sahibinə (istifadəçisinə) qərarın qəbul edildiyi gündən 3 gün müddətində göndərilir və "Elektron Hökumət" portalında və ya Daxili İşlər Nazirliyinin rəsmi internet səhifəsində yerləşdirildiyi andan qərar təqdim olunmuş hesab edilir.

Əgər cərimə qərarı 32 gündən sonra e-polis proqramına yerləşdirilibsə və sizə SMS vasitəsilə bildiriş gəlməyibsə, bu, qərarın təqdim olunma müddətinin pozulması hesab olunur. Bu halda siz qərarın icraat qaydalarının pozulması əsası ilə inzibati xəta haqqında qərardan şikayət edə bilərsiniz. Şikayət üçün siz qərardan xəbərdar olduğunuz andan 10 gün müddətiniz var.